Անհատ ֆերմեր Աշոտ Ղազարյանն իր գործունեությունն սկսել է 2015 թվականին՝ Վայոց Ձորի Արտավան գյուղում: Օրգանական մթերքի արտադրության համար տնտեսությունն ունի 25 հա ցանքատարածություն: Վերջին 2 տարում ընկերությունը մշակում է հաճար, առաջիկայում նախատեսվում է համագյուղացիների հետ միասին հիմնել նաև օրգանական կոոպերատիվ՝ շուրջ 60 հա տարածքով օրգանական ծիրանի այգի նպատակով: Հաջողության դեպքում այն կլինի Հայաստանում ամենամեծ օրգանական ծիրանի այգին:
2017 թվականի օգոստոսին ցանքատարածության մեծ մասը, բերքը ներառյալ, այրվել է Արտավանում բռնկված անտառային հրդեհի հետևանքով: Հրդեհի հետևանքները վերացնելու ուղղությամբ աշխատանքներն առ այսօր շարունակվում են: