Ընկերությունն արտադրում է մեղր, ինչպես նաև մայրակաթ, ծաղկախյուս, ծաղկափոշի՝ ըստ պատվերի:
Օրգանական, վայրաճ տարածաշրջանում բազմազան բույսերից ստացված նեկտարից արտադրվող մեղրը և մեղվանյութերը (մայրակաթ, ծաղկախյուս, ծաղկափոշի և այլն) առողջարար են և ունեն բուժական նշանակություն:
Օրինակ առյուծագի, ալոճի, դաղձի ծաղիկներից ստացված նեկտարով մեղրն օգտակար է սիրտ-անոթային հիվանդության դեպքում:
Մեղուներին կերակրելիս ավելացվող բուժաբույսերի թուրմերը ստացվող մեղրին հաղորդում են բուժական հատկություններ:

Մեղրն արտադրվում է Լոռու մարզի Հավալար համայնքի տարածքում, որտեղ մշակաբույսեր չեն աճեցվում: Տարածքը հարուստ է վայրաճ անտառներով և ծաղկաշատ խոտհարքերով, ուր բույսերը հատկապես նեկտարատու են: